Android දුරකථන on නොවේ නම්

Android දුරකථනයේ Power බොත්තම තද කරගෙන සිටියද දුරකථනය on නොවෙයි නම් කුමක් කළ යුතුද?,දුරකථනය හදිස්සියේ Stuck වී ඇත්නම් බොත්තම තද කලද කිසිවක් සිදූ  නොවෙයි විසදුම කුමක් ද?,දුරකථනය on කළද එය තරමක් දුරට on වී Stuck වෙයි ඒ ඇයි? යනාදී ලෙස Android දුරකථන අක්‍රිය වූ අවස්ථා වල අපට ඇතිවන පොදු  ප්‍රශ්නයන්ය.මේවා සියල්ලටම විවිධාකාරයේ විසදුම් ඇති අතර අප ඔබ වෙනුවෙන් ඒවා  මෙලෙස ඉදිරිපත් කරන්නෙමු    

•           දුරකථනය Charger එකට සම්බන්ධ කර මද වේලාවක් තැබීම

Android දුරකථන වල බැටරිය සම්පුර්ණයෙන්ම බැස ගිය විට ඒවා නැවත පණගැන්වීමට  නම් යම් නිශ්චිත ප්‍රමාණයක බැටරි ධාරිතාවක් අවශ්‍ය වේ.එබැවින් ඔබේ දුරකථනයේ බැටරිය බැස යාමෙන් පසු ක්‍රියාත්මක නොවේ නම් Charger එකට සම්බන්ධ කර විනාඩි 10 ක් 15 ක් තැබීමෙන් එය නැවත පණගැන්විය හැකිය.

•          බැටරිය ගැලවීම හෝ දුරකථනය Emergency Shutdown කිරීම

සමහර අවස්ථා වලදී ඔබගේ දුරකථනය Stuck වු විට බොත්තම් තද කිරීම (Home,Back,Menu) ප්‍රතිපල රහිතනම්, ඔබට කල හැකි දෙයක් වන්නේ දුරකථනය Restart කිරීමයි. ඒ සදහා ඇති පහසුම ක්‍රම වේදය වන්නේ දුරකථන බැටරිය ගලවා ඉවත් කිරීමයි. එලෙස බැටරිය ඉවත් කල නොහැකි දුරකතනයක් ඔබට තිබේ නම්, එය හදිසියකට ක්‍රියා විරහිත කළ හැකි Emergenicy Shutdown ක්‍රමවේදයක් දුරකතනයේ අන්තර්ගත කර ඇත.ඔබේ දුරකථනයේ Power බොත්තම තත්පර 15 ත් 30 ත් අතර කාලයක් තද කරගෙන සිටිය විට හෝ power බොත්තම හා Volume Down හෝ සමහර දුරකථන වල (volume up හෝ camera) බොත්තම තද කර සිටීමෙන් බැටරිය ගැලවීමකට හා සමාන ආකාරයකට Stuck වු බැටරිය ඉවත් කල නොහැකි උපංග Restart වනු ඇත.

•          Rrecovery Mode වෙත පිවිසීම

සමහර දුරකථන පනගන්විමේදී logo සියල්ල දර්ශණය වී stuck වීම සිදුවන විට ඔබ කළ යුත්තේ දුරකථනයේ recovery mode එකට  පිවිසීමයි. මෙය බොහෝ උපාංග වල කල යුත්තේ දුරකථනය ක්‍රියා කිරීමේ දී power බොත්තම සමග volume key (හෙවත් දුරකථන වල volum dawn හෝ camera)තද කරගෙන සිටීමෙනි.

(ඔබට දුරකථනයේ නම හා recovery mode ලෙස Google හි Search කිරීමෙන්( උදා Recovery Mode of Sony Xperia V )ඔබේ දුරකථනයට අදාල Recovery Key සොයා ගත හැකිය.Recovery Mode තුලින් ඔබට ඔබේ දුරකථනය Factory Reset කිරීමට හැකිවනු ඇත

අවසන් සටහන මේ සියලු ප්‍රයත්නයන් වියර්ත වෙයි නම් ඔබට ඔබේ දුරකථනය root කර Custome Rom එකක් Install කිරීමට සිදුවනු ඇති අතර එය සිදු කිරීමේදී Android දුරකථන පිළිබද හොද දැනුමක් ඇති අයෙකුගේ සහය ලබා ගැනීම හෝ ඔබ ඒ පිලිබදව ඉතා හොදින් කරුණු දැනගෙන එය සිදු කල යුතුය.

Read More

ඔත්තු දෙන හාඩ් ඩිස්ක්

නයිජීරියාවේ වෙළද අග නගරය ලාගොස්  ය. මෙහි ඇති ලාගොස් පරිගණක ගම්මානය.(Lagos computer Village) යනු විවිධ රටවල පාවිචිච් කළ පරිගණක සහ වෙනත් විවිධ වර්ගයේ  පරිගණක උපාංග තොග පිටින් විකුණන වෙළද සල්පිලකි. මෙම වෙළද සල්පිල ගැන වාර්තා වැඩසටහනක් බ්බ්සි පුවත් සේවයේ රියල් ස්ටෝරි (Real Story) වැඩසටහන් මාලාව යටතේ ඉදිරිපත් කෙරිණ. යම් මාතෘකාවකට අදාළ ඇත්තම දේ සොයාගෙන ඉදිරිපත් කිරීම මෙම වැඩසටහනේ ස්වාභාවයයි.                                                                                                                    

බ්‍රිතාන්‍ය  සිට නයිජීරියාවට යවනු ලැබූ පාවිචිච්  කළ පරිගණක තොගයකින් හාඩ් ඩිස්ක් 17 ක් මිලදී ගත් මෙම වැඩසටහනේ නිෂ්පාදකයෝ එම හාඩ් ඩිස්ක් වල අඩංගු තොරතුරු විවිධ ක්‍රම වලින් නැවත ලබා ගත්හ.

ඒවායේ තිබුණේ ඒ හාඩ් ඩිස්ක් යෙදු පරිගණක පාවිචිච් කල පුද්ගලයන්ගේ ලිපින, බැංකු ගිණුම් අංක, පාස්වර්ඩ්, ඩිජිටල් ෆොටෝ, ඉ-මේල් ලිපින වගේ ඉතා රහසිගත වෙළද සම්බන්ධතා යනාදී තොරතුරුය.                                                                                                           

මේ හාඩ් ඩිස්ක්වල තිබු තොරතුරු ඔස්සේ බැලු විට ඉන් එකක මුල් අයිතිකරුවා එසෙක්ස්හි ටෙඩ් රොබට්ස් නම් තැනැත්තෙකි. බ්බ්සි පුවත් සේවයේ ජන මාධයවේදීහු ටෙඩ් රොබට්ස් සොයා ගොස් නයිජීරියාවේදී හමුවූ හාඩ් ඩිස්කය ඔහුට පෙන්වුහ. ඉන් පසු එහි වූ තොරතුරු ඔහුට කිහ. ඉන් පුදුමයට පත් ටෙඩ් රොබට්ස් කිවේ, තමා මේ හාඩ් ඩිස්කයේ තිබු තොරතුරු මකා දැමීමෙන් පසු එය ප්‍රතිචක්‍රීකරණ මධයස්ථානයකට බාරදුන් බවය.                                                                                                                                          

මෙම සිද්ධියෙන් පෙනෙන දේ ගැන විශේෂ අවධානයක් යොමු කළ යුතු බව බ්බ්සි ලෝක සේවය වාර්තා කළේය. එනම් යමෙක් තමාගේ හාඩ් ඩිස්කය ඉවත් කරන විට ඉතා සැලකිල්ලෙන් පෞද්ගලික තොරතුරු සියල්ල මකා දැමිය යුතු බවයි.

සමාන්‍යයෙන් වැඩි දෙනා කරන්නේ නොමිලේ දෙන මෘදුකාංග මගින් හාඩ් ඩිස්කයේ ඇති file මකා දැමීමයි. එහෙත් බොහෝවිට ඒවා සම්පුර්ණයෙන් ඉවත් වෙනවා වෙනුවට සැගවී යයි හාඩ් ඩිස්ක් එක සම්පුර්ණයෙන්ම ෆෝමැට් කර ඉවත් කිරීම තවත් අය කරන්නකි. එවිට සෑහෙන දුරට හාඩ් ඩිස්ක් එක පිරිසිදු වෙන බව පිළි ගැනුණත් ඒ ගැන හරියටම සහතිකයක් දෙන්නට බැරිව තිබෙන්නේ, නොයෙක් මාදිලියේ ආරක්‍ෂිත උපක්ක්රම යොදා යමෙක් හාඩ් ඩිස්ක් එක තුළ File Save කොට තිබුණේ නම් ඒවා තව දුරටත් ඩිස්කය තුල රැදී තිබෙන්නට පුළුවන් නිසාය. විශේෂ මෘදුකාංග (Recovery software) යොදා ගෙන ඒවා අනාවරණය කර ගන්නට පිටස්තර කෙනෙකුට පුළුවන.

හාඩ් ඩිස්ක් එකක තිබෙන තොරතුරු අන් අය අතට පත්වීම සම්පුර්ණයෙන්ම වලක්වලක්වන්නට පුළුවන් ක්‍රමයක් Which නම් පරිගණක සගරාව විසින් වරක යෝජනා කර  තිබුණේය. ඔවුන් කියන්නේ පරිගණකය පාවිච්චියෙන් ඉවත් කරන විට හාඩ් ඩිස්ක් එක ගලවා බුරුමයක් මගින් එය තැන් කිහිපයක් සිදුරු කිරීම හොද බවය එවිට නැවත කිසිවෙකුට එය ක්‍රියාත්මක කරන්නට බැරි නිසා එහි රැදී ඇති තොරතුරු 100% ආරක්ෂාවෙයි. එසේ නොවේනම් හොදම දේ හාඩ් ඩිස්ක් එක මිටියකින් තලා දැමීම බව එම සගරාව කියයි.

Read More